(NI JONATHAN ANG)
Malayo sa karaniwang sexy roles na ginagampanan ni Cristine Reyes ang kanyang femme fatale character sa action film na Maria.
Kuwento ito ni Lily, dating cartel assassin na nag-quit sa illegal na trabahong ‘yon para magbagong buhay sa bago niyang pangalang Maria, pero hindi pa rin tinantanan ng cartel na nagawa pang kidnapin ang kanyang asawa’t anak – enough reason para sumambulat ang samu’t saring badass fighting scenes sa pelikula!
Directed by Pedring Lopez and under Viva Entertainment, Maria hits theaters on March 27. Alamin kung epektibong action flick chick si Reyes gaya nina Anne Curtis sa BuyBust at Erich Gonzales sa We Will Not Die Tonight (both 2018 releases).
VIRAL NA ANG PARODY SONG NI BITOY
PARAMI nang parami ang mga nakapanood ng “Uh Oh,” the latest viral parody song sa “Bubble Gang,” ang super-kwela at longest-running gag show ng bansa.
As of writing, may halos 5 million views na ang “Uh Oh” music video na spoof ng original song na “Oo” popularized by Up Dharma Down (UDD).
For fans of both Bitoy (comedy genius Michael V.) and UDD (with Armi Millare on lead vocals), ang lakas maka-LSS ng kalokang viral song parody na ito!
Inulan ng papuri ang naturang song video ng bandang Ay Karma ‘Yan (tangkang pag-spoof sa pangalan ng bandang Up Dhama Down) sa pangunguna nga ni Toybits.
Kuda sa FB ng ilan:
Jerald Adrian E Fenol: “Hats off to Bitoy! Elementary pa lang ako napapanood ko na ang mga MTV mo. Now 32 na ako, mas gumaling ka pa! Walang kupas!”
Vanessa Joyce C. Leocadio: “Super witty talaga ni Michael V. Ang galing ng pagkakagawa ng lyrics!”
John Carlo Madrona Gamboa: “I am always mesmerized by your skills, Sir Bitoy. Lupet mo talaga!”
Alex Villamar: “Hahaha… ‘Langya ka talaga, Michael V. Ikaw lang ang makakagawa niyan. Kung meron mang ibang gagawa, I’m sure waley!”
Siyempre, thankful si Bitoy sa reception sa parody video n’ya.
“Thank you sa lahat ng nanonood. Salamat din sa magagandang comments. Really appreciate it,” post sa Instagram ng King of Parody Songs.
Ano naman ang reaction ng UDD sa viral parody song?
“I think it’s really well-made, the band and I have been watching it since it came out,” Insta post ni Armi Millare. “[It’s] so cleverly done and it makes people happy in ways we can’t, so everybody wins!”
Matatandaan na nung 2016, may “Tadyakan” sina Bitoy na isa ring parody ng UDD hit song na “Tadhana.” Aprub din ito kay Millare at nag-tweet pa nga noon na L.O.L. ang nanay niya na super-aliw sa naturang parody.
Kudos to the Bubble Team na achieve ang pagpapatawa at “unli” ang paandar tuwing Bubble Biyernes sa Kapuso Network.
161
